Вегетаријански деликатес што ќе им се допадне на сите.
Си беше еднаш, вака обично започнуваат бајките, меѓутоа не сакам да Ви раскажувам бајка, туку да Ви раскажам за еден човек, којшто воопшто не сакаше тиква.
На овој човек, кога имал само 12 години, за време на селидба му се случил непријатен инцидент. Кога слегувал по скалите во подрумот му паднала кутија полна со тегли кисела тиква. Откако сè било исчистено и на неговите родители им поминало разочарувањето, тој во себе се радувал што веќе ја нема тиквата.
Во меѓувреме, овој човек веќе не е дете и кога е сезона на тиквите сака барем еднаш неделно да јаде некое јадење со тиква. Веројатно веќе погодивте, дека станува збор за мојот сопруг.
Уште од рецептот „ Њоки со пржена тиква “ тој стана голем љубител на големата бобинка.
Сосема е разбирливо дека тој денес е голем љубител на тиква, бидејќи тиквата содржи малку калории и впрочем е кулинарски деликатес полн со здрави состојки, а кои се тие може да го дознаете во рецептот Штрудла од тиква, јаболка и брусница.
Денес сакам да Ви претставам еден сос за тестенини.
Информации за состојките
За подготовка на моите рецепти се обидувам да користам органски производи што е можно повеќе во моментот.
Рецепт
Макарони-Јуфки со сос од тиква и лук
Состојки
- ½ тиква (Хокаидо, исчистена 400 г)
- 1 главица кромид
- 1 пиперка (црвена)
- 4 чешниња лук
- 3 лажици магдонос (исечкан)
- 2 лажичка вегета
- 1 лажичка сол
- 1 лажичка бибер (свежо мелен)
- 250 г макарони (јуфки)
- 2 лажици маслиново масло за пржење
- 1300 мл вода
Подготовка
- Измијте ја тиквата, исечете ја на четвртинки, отстранете ги семките и исечете 400 гр од четвртинките на мали коцки.½ тиква
- Ставете ги парчињата тиква во тенџере, зачинете со пола лажичка бибер и една лажичка вегета. Додадете 1,3 л вода и оставете да зоврие. Кога ќе зоврие варете ја на тивок оган околу 20 минути за да омекне.½ тиква, 1300 мл вода
- Во меѓувреме, измијте ја пиперката, извадете ги семките и исечете ја на мали коцки.1 пиперка
- Излупете ги кромидот и лукот и исечкајте ги ситно.1 главица кромид, 4 чешниња лук
- Измијте го магдоносот и ситно исечкајте го.3 лажици магдонос
- Во меѓувреме тиквата е веќе сварена. Со црпалка извадете ги парчињата тиква од тенџерето и ставете ги во блендер. Додадете 200 мл од водата во која се вареше тиквата во блендерот и оставете да се блендира сѐ додека не добиете кремасто пире. Како алтернатива може да користите и рачен блендер.
- Загрејте ја преостанатата вода во којашто ја варевте тиквата и во неа сварете ги макароните/јуфките.250 г макарони
- Во голема тава со маслиново масло ставете ги пиперките и кромидот да се пржат. Кога кромидот ќе стане стаклест додадете лук и пржете уште малку.1 главица кромид, 4 чешниња лук, 2 лажици маслиново масло за пржење, 1 пиперка
- Додадете го пирето од тиква и зачинете со преостанатите зачини.
- Додадете магдонос, промешајте и пробајте.
- Исцедете ги макароните/јуфките, декорирајте по желба и послужете.
Забелешка
Информации за исхрана
На семејството ќе му сервирате тестенини во префинет кремаст сос со одличен вкус.
Уживајте при готвењето и добар апетит!
Ако ви се допадна мојот рецепт, имам соодветни рецепт идеи за вас:
- Kрем супа од зеленчук ала мама
- Чили кон карне под хаубата од компирпире
- Кромид торта co брашно oд цвекло
- Потпечени тиквички со фил од шпагети
- Потпечен стар леб во стил на Пица
Пријатен ден ви посакува Бела Кујна.