Измијте ја тиквата, исечете ја на четвртинки, отстранете ги семките и исечете 400 гр од четвртинките на мали коцки.

Ставете ги парчињата тиква во тенџере, зачинете со пола лажичка бибер и една лажичка вегета. Додадете 1,3 л вода и оставете да зоврие. Кога ќе зоврие варете ја на тивок оган околу 20 минути за да омекне.

Во меѓувреме, измијте ја пиперката, извадете ги семките и исечете ја на мали коцки.

Излупете ги кромидот и лукот и исечкајте ги ситно.

Измијте го магдоносот и ситно исечкајте го.

Во меѓувреме тиквата е веќе сварена. Со црпалка извадете ги парчињата тиква од тенџерето и ставете ги во блендер. Додадете 200 мл од водата во која се вареше тиквата во блендерот и оставете да се блендира сѐ додека не добиете кремасто пире. Како алтернатива може да користите и рачен блендер.

Загрејте ја преостанатата вода во којашто ја варевте тиквата и во неа сварете ги макароните/јуфките.

Во голема тава со маслиново масло ставете ги пиперките и кромидот да се пржат. Кога кромидот ќе стане стаклест додадете лук и пржете уште малку.

Додадете го пирето од тиква и зачинете со преостанатите зачини.

Додадете магдонос, промешајте и пробајте.

Исцедете ги макароните/јуфките, декорирајте по желба и послужете.