Прекрасен и здрав фил во крцкава обвивка.
Дали сакате да го изненадите вашето семејство или гости? За да ги изненадете со нешто ново и нешто многу вкусно, задолжително прочитајте. Пред да дојдеме до рецептот, како и секогаш, дозволете ми неколку реченици за состојките.
Печурките се здрави
Печурките не се само лесни и вкусни, туку и многу здрава храна. На пример, печурките содржат витамини Д, Б2, биотин и ниацин во релевантни количини и минерали калиум, железо, бакар, селен и фосфор. И целата работа е достапна за само 15 kcal на 100 грама печурки.
Кромид – лут и здрав
Кромидот не само што содржи многу вкус, туку и многу важни хранливи материи како што се калиум, витамин Ц и витамини од групата Б. Кромидот содржи и многу антиоксиданси кои можат да штитат од одредени видови на рак, дијабетес и срцеви заболувања.
Сусам – мал, но моќен
Сусамот содржи многу железо што формира крв и калциум кој ги зајакнува коските, како и микроелементот селен, кој го зајакнува нашиот имунолошки систем и ги штити клеточните мембрани. Никотинската киселина или ниацин, порано познат како витамин Б3, е важна за регенерација на кожата, мускулите, нервите и ДНК.
Но, кога станува збор за сусамот, би сакала да ви препорачам уште два прекрасени рецепти: Хамбургер лепчиња со сусам и Плескавици од брокула на грил тостер.
Готови кори
Јадењата со кори се често посакувани во моето семејство и подетално ги опишав во рецептот: Ролнички со спанаќ и бел грав. Така денес директно на рецептот.
Информации за состојките
За подготовка на моите рецепти се обидувам да користам органски производи што е можно повеќе во моментот.
Рецепт
Состојки
Подготовка
- Исчеткајте ги печурките и исечете ги на мали парченца.500 гр печурки
- Излупете ги кромидот и лукот и исто така исечкајте ги на мали парчиња.3 главици кромид, 3 чешниња лук
- Во тава со малку маслиново масло пропржете ги печурките во серии. Пржете во 2-3 серии за да не пуштат многу вода. Пржените печурки тргнете ги на страна.
- Потоа додадете една лажица масло и кромид во тавата и пропржете. Кога кромидот ќе стане прозирен, додадете го лукот и продолжете со пржење.
- Додадете ги печурките и промешајте.
- Зачинете со сол, бибер и вегета. Додадете ги билките, измешајте, пробајте и оставете да се изладат.½ лажичка сол, 1 лажичка бибер, 1 лажичка вегета, 3 лажици билки
- Растопете го маргаринот, во микробранова печка или во мало тенџере на многу тивок оган.200 гр маргарин
- Одвиткајте ги готовите кори и ставете една кора на работната маса. Намачкајте ја кората со маргарин и посипете со малку сусам. Одозгора ставете ја втората кора, премачкајте ја и неа со маргарин и посипете со сусам.3 лажици сусам
- Во средината на долната третина од корите ставете една десетина од филот со печурки.
- Преклопете ја кората преку филот одоздола. Филот треба само да биде покриен.
- Потоа преклопете го левиот раб од кората надесно преку филот и преклопете го десниот раб налево. Сега има тесен појас од кора пред вас, едноставно завиткајте ја. Готовото пакетче/баничка треба да биде пред вас откако ќе го свиткате 3 пати. Готовата баничка тргнете ја на страна.
- Сега направете го истото со останатите кори и на крајот имате 10 готови банички.
- Грил тостерот загрејте го на највисоко ниво.
- Долниот дел од баничките, односно страната со спојот, премачкајте ги со маргарин/путер.
- Ставете ја оваа страна надолу на тостерот. Намачкајте ја со маргарин и горната страна, па затворете го тостерот.
- Печете ги баничките околу 5 минути. Времето зависи од перформансите/јачината на тостерот.
- Кога пакетчињата со филот ќе добијат убава златно-кафеава боја, извадете ги од тостерот, наредете ги и послужете.
Нутриент
Video
Забелешка
- За мачкањето на корите со маргарин или путер; при печењето не се лепат и тестото има поголем волумен. Патем, тука е и финиот вкус на маргаринот/путерот бесплатно.
- Ако ги премачкате со маргарин, ќе добиете посни банички, но со користење на путер ќе добиете вегетаријански банички.
- Зошто многу често користам свежи билки? Прво затоа што ми растат на балконот или прозорецот, второ затоа што се од регионот и што е најважно: здрави се! Билките се богати со антиоксиданси, тоа е она што ги прави толку здрави. Одделни компоненти на есенцијалните масла делуваат против габи, бактерии, вируси и се мултиотпорни на бактерии. Боите ги штитат нашите клетки и можат да го намалат ризикот од кардиоваскуларни болести и рак. Генијалниот вкус на многу билки е вклучен бесплатно!
Нашиот Инстаграм
Заследете @bellakujna!Вие им служите на семејството и гостите една прекрасна закуска или одличен вегански/посен главен оброк со нежен вкус и многу здрави состојки.
Добар апетит и забавувајте се испробувајќи го овој рецепт!
Ако ви се допадна мојот рецепт, имам уште соодветни идеи на рецепти за вас:
- Пакетчиња од готови кори со спанаќ и ориз
- Виршли во тесто за пица
- Виршли во тесто за пица
- Штрудла од тиква, јаболка и брусница
- Галета со праз и сирење
Пријатен ден ви посакува Бела Кујна.