Полнети пиперки со булгур

Вегетаријанска верзија на популарните полнети пиперки.

На интернет можат да се најдат многу различни рецепти за полнети пиперки, претежно со мелено месо како една од состојките. Додека пак бројот на вегетаријанските рецепти е значително помал.

Во моето семејство со децении филот се подготвува со ориз и таквите пиперки сите ги сакаат. Бидејќи исто така сѐ почесто јадеме и булгур, брзо ми се роди идеја да го заменам оризот со булгур.

Затоа денес сакам да Ви ги претставам моите пиперки полнети со булгур.

Информации за состојките

За подготовка на моите рецепти се обидувам да користам органски производи што е можно повеќе во моментот. 

Рецепт

Полнети пиперки со булгур

Вегетаријански пиперки полнети со булгур и зеленчук со одличен вкус и здрави состојки.

Печати Запомни

Сподели

Припрема 30 minutes мин

Печење 30 minutes мин

Вкупно 1 hour саат

Порции: 6 Порции

Јадење: Главни Јадења

Потекло: Македонија

Калории: 373.1kcal

Состојки Подготовка Нутриент

Состојки

  

1x2x3x

• 6 црвени пиперки
• 2 главици кромид (црвен)
• 4 моркови
• 250 г булгур (крупен)
• 18 домати (шери)
• 4 чешниња лук
• 1 китка магдонос
• 1 китка нане
• 120 г кашкавал (рендан)
• 1 лажичка сол
• 1 лажичка бибер
• 2 лажички вегета
• 1 лажичка куркума
• 250 мл вода (врела)
• Масло за пржење

Режим на готвењеСпречете го затемнувањето на екранот

Подготовка

 

1. Излупете го кромидот, морковот и лукот и исечете ги на мали парчиња.
   2 главици кромид, 4 моркови, 4 чешниња лук
   
2. Измијте ги магдоносот и нането и исечкајте ги ситно.
   1 китка магдонос, 1 китка нане
   
3. Измијте го булгурот во цедалка под млаз вода, ставете го во тенџере и посипете го со врела вода, покријте го и оставете го на страна да ја упие водата.
   250 г булгур, 250 мл вода
4. Кромидот и морковот пропржете ги во тава со малку масло.
   
5. Кога кромидот ќе стане стаклест, додадете го лук и пропржете го заедно со кромидот.
   
6. Потоа во зеленчукот додадете го булгурот и измешајте сè заедно.
   
7. Зачинете со сол, бибер, куркума и половина од вегетата, 1 лажичка.
   1 лажичка сол, 1 лажичка бибер, 2 лажички вегета, 1 лажичка куркума
   
8. Додадете ги исечканите магдонос и нане и промешајте.
   
9. Измијте ги пиперките, преполовете ги и отстранете ги семките. Така исечените пиперки ставете ги на плех обложен со хартија за печење. Со останатата вегета посипете го внатрешниот дел од пиперките.
   6 црвени пиперки
   
10. Загрејте ја рерната на 220°C (рерна со вентилација 200°C).
11. Со мешавината од булгур и зеленчук наполнете ги пиперките.
    
12. Преполовете ги малите домати и ставете ги врз пиперките.
    18 домати
    
13. Распоредете го кашкавалот врз пиперките.
    120 г кашкавал
    
14. Ставете го плехот за печење во рерна и печете 30 минути.
15. Кога ќе поминат 30 мин, извадете ги пиперките од рерна, сервирајте ги и послужете.
    

Нутриент

Нутритивни факти

Полнети пиперки со булгур

Количина по порција

Калории

373.1

% Дневна вредност*

Масти

 

9.5

g

15

%

Јаглехидрати

 

54.3

g

18

%

Протеини

 

15.1

g

30

%

* Процентуални дневни вредности на хранливи материи на просечен возрасен (8400 kj/2000 kcal) според Регулативата (ЕУ) бр. 1169/2011.

Нашиот Инстаграм

Заследете @bellakujna!

На Вашето семејство ќе му сервирате пиперки полнети со прекрасен фил и сирење со интензивен вкус, а благодарение на нането имаат и ориентална нота.

Уживајте при готвењето и добар апетит!

Ако ви се допадна мојот рецепт, имам соодветни рецепт идеи за вас:

1. Потпечени тиквички со фил од шпагети
2. Полнети пиперки со бел грав
3. Kрем супа од зеленчук ала мама
4. Тортелини на медитерански начин
5. Брокула со пржен зеленчук и сусам

Пријатен ден ви посакува Бела Кујна.