Go Back
–+ servings
Solena torta so praz i sirenje-Recept-bellakujna

Солена торта со праз и сирење

Пикантен традиционален колач за многу пригоди од меко и сипкаво тесто кое се топи во устата со фантастичен вкус.
Печати Запомни
Сподели
Припрема 30 minutes
Печење 45 minutes
Вкупно 1 hour 15 minutes
Порции: 8 Порции
Јадење: Солена Торта
Потекло: Македонско
Калории: 512kcal
Состојки Подготовка Нутриент Забелешки

Состојки
  

Состојки за калап 28 cm Ø
  • 220 гр праз
  • 4 јајца (големина М)
  • 300 гр кисело млеко (3,8 % маснотии)
  • 150 гр сирење
  • 200 мл масло
  • 450 гр брашно
  • 1 пакетче прашок за пециво
  • ½ лажичка сол
  • 2-3 лажички буковец
  • 3 лажички сусам (за посипување)
  • 2 лажици масло (за пржење)

Подготовка
 

  1. Отстранете ги сите оштетувања од празот, измијте го темелно и исечете го на мали парчиња.
    220 гр праз
  2. Во тава со 2 лажици масло кратко пропржете го празот и потоа оставете го на страна.
    2 лажици масло
  3. Сирењето изрендајте го на крупната страна од рендето.
    150 гр сирење
  4. Брашното и прашокот за пециво просејте ги низ сито во сад.
    450 гр брашно, 1 пакетче прашок за пециво
  5. Загрејте ја рерната на 200°C (циркулирачки воздух 180°C).
  6. Изматете ги јајцата во сад додека не постанат пенасти, додадете ги маслото, киселото млеко, солта и буковецот и измешајте.
    4 јајца, 300 гр кисело млеко, 200 мл масло, ½ лажичка сол, 2-3 лажички буковец
  7. Додадете ги запржениот праз и ренданата фета и измешајте.
  8. Додадете ја смесата со брашно и измешајте со течните состојки за да добиете мазно тесто.
  9. Истурете го тестото во подмачкан калап за торти и измазнете го.
  10. Посипете ја тортата со сусам.
    3 лажички сусам
  11. Ставете го калапот во загреана рерна и печете 40 до 45 минути.
  12. По тестот со дрвено стапче - видете ја забелешката - извадете го колачот со праз од рерна, оставете да се излади, наредете и послужете.
    Solena torta so praz i sirenje-Serviranje-bellakujna

Нутриент

Нутритивни факти
Солена торта со праз и сирење
Количина по порција
Калории
512
% Дневна вредност*
Масти
 
30.8
g
47
%
Јаглехидрати
 
43.9
g
15
%
Протеини
 
13.5
g
27
%
* Процентуални дневни вредности на хранливи материи на просечен возрасен (8400 kj/2000 kcal) според Регулативата (ЕУ) бр. 1169/2011.

Забелешка

  1. По истекот на времето за печење треба да се направи тест со дрвено стапче. Се користи за да се утврди дали колачот е печен. За да го направите ова, ставете мало дрвено стапче (раженче) во колачот и повторно извлечете го по една или две секунди. Ако на дрвото се залепат мали остатоци од тестото, колачот мора да остане во рерната уште неколку минути.
  2. Секогаш имам големи парчиња, значи само осум од оваа торта. Но, можете да исечете и 12 парчиња од неа. Секако, соодветно се менуваат и нутритивните вредности.

Нашиот Инстаграм

Заследете @bellakujna!