Сварете го оризот со вoда на тивко, не требе да врие силно, треба да се варе полека за да не се преварат зарната и да не се залепат. (Јас употребив базмати ориз затоа што тој ориз е по погоден за вакви работи, не се лепе).
100 гр ориз
Излупете го кромидот и исечете го на мали коцки.
1 кромид
Излупете и ситно исечкајте ги чешнињата лук.
2 чешниња лук
Сортирајте, измијте и исцедете го спанаќот во цедалка.
150 гр свеж спанаќ
Во голема тава ставете ги 4-те лажици масло и во него пропржете го кромидот. Кога кромидот ќе почне да станува прозирен, додадете го лукот и пропржете на средна температура. Додадете го спанаќот и пропржете со него.
4 лажици масло
Додадете го оризот во смесата од спанаќ и измешајте.
Зачинете со сол, бибер и вегета, пробајте. Додадете ги пиперките или буковецот, измешајте и оставете ги на страна да се изладат.
½ лажичка сол, 1 лажичка вегета, ½ лажичка бибер, 1 лажица нишки од сув пипер
Кога филот ке се олади додадете 2 лажици кисела павлака и промешајте.
2 лажици кисела павлака
Загрејте ја рерната на 200°C (рерна со вентилација 180°C).
Сега доаѓаме до виткање на пакетчиња. За да го направите ова, отпакувајте ги корите и ставете една кора на работната маса. Намачкајте ја кората со многу масло. Маслото ги прави сувите кори посочни.
Сега филот треба да се стави на вистинското место. На долната страна од кората треба да остане слободно место од 4-5 цм. Филот поделете го на десет дела и една десетина од филот ставете на кората.
Преклопете го долниот слободен раб нагоре преку филот по целата должина. Десната лента од листот преклопете ја на целата должина налево над филот. Потоа преклопете ја левата лента надесно. Обликувајте пакетче.
Ставете го завитканото пакетче на плех обложен со хартија за печење.
Потоа завиткајте ги сите 9 пакетчиња едно по друго и наредете ги на плехот.
Пакетчињата од кори премачкајте ги со изматена жолчка и посипете ги со афионско семе.
1 жолчка, 2-3 лажици семе од афион
Ставете го плехот во загреана рерна и печете ги пакетчињата 15-20 минути.
Извадете ги од рерна златно-кафеавите, вкусно миризливи пакетчиња, оставете ги малку да се изладат, наредете и послужете.
