Go Back
–+ servings
Marmalad od domati so portokal-Recept-bellakujna

Мармалад од домати со портокал

Мармалад од домати со портокал носи свежина и размена во менито и одговара перфектно со многу јадења.
Печати Запомни
Сподели
Припрема 40 minutes
Вкупно 40 minutes
Порции: 1 Порциа 30 г
Јадење: Зимници, Мармалад
Потекло: Македонија
Калории: 64.7kcal
Состојки Подготовка Нутриент Забелешки

Состојки
  

Состојки за 5-6 тегли од 230 ml
  • 900 г домати (зрели)
  • 100 мл ликер од портокал
  • 100 мл сок од портокал (1 голем портокал, свежо исцеден)
  • 1 кг шеќер за желирање 1:1 (или замена 1 кг шекер и 1 Гелфикс Екстра 1:1 од Dr. Oetker)
  • 1 кора од портокал (органски)
  • 1 лимон

Подготовка
 

  1. Излупете ги доматите (како го правам тоа лесно и брзо без врела вода, ќе научите во белешката).
    900 г домати
  2. Излупените домати пресечете ги на четири дела, отстранете ја дршката и грубо исецкајте ги.
  3. Ставете ги парчињата домати во блендер и испасирајте ги фино. Исто така, можете да ги ставете во повисоко тенџере и да ги испасирате со рачен блендер.
  4. Исцедете го доматното пире низ цедалка во едно повисоко тенџере (треба да добиете 700-800 г пире).
  5. Измијте еден органски портокал, изрендајте ја кората, a потоа исцедете го сокот (ако портокалот е мал и не можете да добиете 100 мл сок, тогаш исцедете уште еден портокал).
    100 мл сок од портокал, 1 кора од портокал
  6. Исцедете го лимонот.
    1 лимон
  7. Додадете ги сокот и кората од портокал, сокот од лимон, ликерот и шеќерот за желирање во тенџерето со домати и ставете да се варат..
    900 г домати, 100 мл ликер од портокал, 100 мл сок од портокал, 1 кг шеќер за желирање 1:1, 1 кора од портокал, 1 лимон
  8. Подгответе ги теглите за мармалад, така што ке ги наполнете со врела вода за да се стерилизираат.
  9. Кога ке почнат доматите да вријат, оставете ги уште 3-4 минути да се варат, но морате постојано да ги мешате.
  10. Потоа направете тест за желирање, земете една лажица од мармаладот што се кува и ставете во ладен тањир. Тогаш мармаладот треба да желира релативно брзо. Ако не, оставете да поврие уште една до две минути и направете уште еден тест. Ако тестот за желирање успеал, тргнете го садот од шпоретот.
  11. Истурете ја водата од теглите, внимателно затоа што се врели, и напунете ги со мармалад. Затворете ги добро и завртете ги теглите наопаку за 5-10 минути. Потоа вратете ги во нормална положба и оставете да се оладат.
  12. И веќе е подготвен еден посебно рафиниран мармалад. Можете да го послужете и да уживате во неговиот префинет вкус.
    Marmalad od domati so portokal-Serviranje-bellakujna

Нутриент

Нутритивни факти
Мармалад од домати со портокал
Количина по порција
Калории
64.7
% Дневна вредност*
Јаглехидрати
 
15.9
g
5
%
Протеини
 
0.1
g
0
%
* Процентуални дневни вредности на хранливи материи на просечен возрасен (8400 kj/2000 kcal) според Регулативата (ЕУ) бр. 1169/2011.

Забелешка

  1. На многу луѓе не им се допаѓа лушпата на доматите бидејќи таа сеуште е присутна во садот, па дури и по пирирањето. Затоа, препорачливо е да ги излупите доматите. Не користам врела или ладна вода. Користам мал нож, така да со рамното сечило, со мало притискање ја стругам кората од доматот. Така лесно се одвојува лушпата од месото. Со стругањето со ножот, лушпата на доматот ја менува бојата, потемнува и така лесно може да се виде каде поминал ножот и каде лушпата е веќе готова да се одвое од месото на доматот. Потоа исечете ја дршката и излупете ја лушпата едноставно и лесно. Лесно, брзо, заштеда на енергија и вода. Колку повеќе се зрели доматите, толку е полесно и побрзо.
  2. Ако сакате мармалад без алкохол, или имате мали деца, тогаш ликерот од портокал можете да го замените со сок од портокал.
  3. Ако правете мармалад со шекер и Гелфикс Екстра 1:1, тогаш прво ке ги измешате шекерот и фиксот па ке ги ставете во тенџерето со домати.

Нашиот Инстаграм

Заследете @bellakujna!